पपईचा पहिलाच अनुभव तरी डॉ.बावसकर टेक्नॉंलॉजीने २ एकरातून सव्वादोन लाख

श्री. बालाजी रघुनाथ जाधव, मु. पो. म्हातारगाव, ता. वसमत, जि. हिंगोली, मोबा. ९९२२६९५४५९

आम्ही काळ्या सुपिक २ एकर जमिनीत ५ ऑक्टोबर २०१० रोजी ७ x ७ फुटावर तैवान पपईची लागवड केली होती. पपईची झाडे २ महिन्याची असताना कृषी प्रदर्शनातून डॉ.बावसकर टेक्नॉंलॉजीची माहिती मिळाली. 'कृषीविज्ञान' मासिकाची वार्षिक वर्गणी भरून मासिक सुरू केले. नंतर १ लि. सप्तामृत आणून पपईवर सप्तामृताचे स्प्रे केले. असे ३ वेळा औषध आणून एकूण ६ फवारण्या फळ पक्व होईपर्यंत (काढणीपर्यंत) या पपईवर केल्या. पपईचे पीक पहिल्यांदाच घेतले होते. अनुभव नसतानाही डॉ.बावसकर टेक्नॉंलॉजीने पपई रोगमुक्त राहून चांगले उत्पादन मिळाले. २ एकरात १२०० झाडे होती. प्रत्येक झाडावरून ६० ते ७० किलो माल निघाला. वसमत मार्केटला फळांची विक्री केली, तेथे ६०० पासून ११५० रू./ क्विंटल भाव मिळाला. २ एकरातील पपईस ३५ ते ४० हजार रू. एकूण खर्च झाला आणि त्यापासून २ लाख २५ हजार रू. उत्पन्न मिळाले. गेल्यावर्षी दुष्काळी परिस्थितीने पिके घेऊ शकलो नाही. यंदा चांगला पाऊस झाला आहे. त्यामुळे आमच्या गावात १५ ते २० एकर पपई लागवड होईल. यामध्ये आम्हीदेखील २ एकर पपई लागवड करणार आहे. सध्या कापूस ६ एकर, ऊस १ इकर, हळद ३ एकर, सोयाबीन ३ एकर ही पिके आहेत. आज पपईच्या बियाची खरेदी करण्यासाठी पुणे येथे आलो असता डॉ.बावसकर टेक्नॉंलॉजीला भेट देऊन चालू पिकाला तंत्रज्ञानासंदर्भात माहिती घेतली. या वर्षीदेखील पपईला डॉ.बावसकर टेक्नॉंलॉजीचे सप्तामृत वापरणार आहे.

Related New Articles
more...