टोमॅटोचा खर्च ३० - ३५ हजार, उत्पन्न १ लाख २० हजार

श्री. प्रविण रा. फुलझेले, मु.पो. आर्वी, ता. हिंगणघाट, जि. वर्धा -४४२००१. मो. ९९६०३१२९३१

मी डॉ.बावसकर टेक्नॉलॉजीच्या कृषी विज्ञान मासिकाचा वाचक असून मी त्यातील वेगवेगळ्या पिकांविषयीचे शेतकऱ्यांचे अनुभव वाचून प्रभावीत झालो. मासिकामध्ये फोरसाईट कृषी केंद्र, वर्ष यांची जाहिरात वाचली व या कृषी केंद्राला भेट दिली. त्यांच्याकडून मी डॉ.बावसकर टेक्नॉलॉजीच्या औषधांची माहिती घेऊन त्याचा टोमॅटो पिकासाठी वापर करण्याचे ठरविले.

अंकुर कंपनीच्या वैशाली जातीची माध्यम प्रतीच्या २० गुंठे जमिनीत ५ x १.५ फुटावर १५ जून २०१५ रोजी जर्मिनेटरच्या द्रावणात रोपे बुडवून लागवड केली. त्यामुळे मर झाली नाही. रोपे जोमदार वाढीस लागली. लागवडीनंतर १५ - २० दिवसांच्या अंतराने थ्राईवर, क्रॉपशाईनर, प्रिझम प्रत्येकी ५०० मिली + हार्मोनी २०० मिली + प्रोटेक्टंट ५०० ग्रॅम + १५० लि. पाणी याप्रमाणे एकूण ३ फवारण्या केल्या. एवढ्यावर झाडांची निरोगी वाढ होऊन फलधारणा चांगल्याप्रकारे होऊन फळांचे पोषण झाले. १५ जून २०१५ ला लावलेले टोमॅटो सप्टेंबरच्या सुरुवातीस चालू झाले. डॉ.बावसकर टेक्नॉलॉजीच्या नियमीत फवारण्यांमुळे फळांची क्वॉलिटी नेहमीपेक्षा व बाजारातील इतर शेतकऱ्यांपेक्षा चांगली मिळाल्याचे आम्ही प्रथमच अनुभवले.

तोडे चालू झाल्यावर पुढेही डॉ.बावसकर टेक्नॉलॉजीच्या २ फवारण्या १ - १ महिन्याला केल्या. एवढ्यावरच दिवसाआड २० गुंठ्यातून १० - १२ क्रेट माल निघत होता. हिंगणघाट मार्केटला सुरुवातीस ४०० रु./क्रेट भाव मिळाला. त्यानंतर हिवाळ्यात भाव कमी होऊन १०० ते १५० रु./क्रेट भाव मिळाला. तरी या टोमॅटोपासून १ लाख २० हजार रु. हे केवळ आम्हाला डॉ.बावसकर टेक्नॉलॉजी मिळाले. यासाठी एकूण ३० ते ३५ हजार रू. खर्च आला. अशा पद्धतीने आम्हाला अर्धा एकरातून ८० हजार रु. नफा मिळाला.

Related New Articles
more...